பொது மக்களுக்கு எச்சரிக்கை விடுவிப்பு
சீரற்ற காலநிலை காரணமாக, நீர்ப்பாசனத் துறையின் கீழ் உள்ள 10 முக்கிய நீர்த்தேக்கங்கள் நிரம்பி வழிகின்றன, மேலும் 12 நீர்த்தேக்கங்களின் வான்கதவுகள திறக்கப்பட்டுள்ளன என நீர்ப்பாசனத் துறையின் நீர் மேலாண்மை பிரிவு இயக்குநர் பொறியலாளர் டி.அபேசிறிவர்தன கூறினார். தேதுரு ஓயா நீர்த்தேக்கத்திலிருந்து மட்டும் ஒரு நொடிக்கு சுமார் 12,000 கன அடி நீர் வெளியேற்றப்படுவதாக தெரிவிக்கப்படுகிறது. நீர்த்தேக்கத்திற்கு கீழே வசிக்கும் மக்கள் விழிப்புடன் இருக்குமாறு திணைக்களம் எச்சரித்துள்ளது.
மேலும் 15 பெரிய நீர்த்தேக்கங்கள் அதிகபட்ச நீர் நிலைகளை நெருங்கி வருவதாக பொறியலாளர் தெரிவித்தார். இதற்கிடையில், களனி, கலு, ஜின், நில்வாலா பங்கைகள், மஹா ஓயா மற்றும் அட்டனகல்லு ஓயா இன்னும் நிரம்பி வழிகின்றன. கடந்த சில நாட்களாக நாட்டின் பல பகுதிகளில் நிலவும் சீரற்ற வானிலை காரணமாக ஒன்பது மாவட்டங்களில் 11,796 குடும்பங்களைச் சேர்ந்த 46,730 பேர் பாதிக்கப்பட்டுள்ளனர் என்று அனர்த்த முகாமைத்துவ மையம் தெரிவிக்கிறது.
பாதிக்கப்பட்ட 364 குடும்பங்களைச் சேர்ந்த 1,247 பேர் 19 தங்குமிடங்களிலும், 636 வீடுகளிலும் தங்கியுள்ளதாகவும், 3 வீடுகள் முழுமையாக சேதமடைந்துள்ளதாகவும் அனர்த்த முகாமைத்துவ மையம் தெரிவித்துள்ளது. கேகாலை, கொழும்பு, களுத்துறை, கம்பஹா, குருநாகலை, கண்டி, புத்தளம், காலி மற்றும் மாத்தறை மாவட்டங்களில் மக்கள் பாதிக்கப்பட்டுள்ளனர். இதற்கிடையில், மேற்கு, சபராகமுவ, மத்திய மற்றும் வடமேற்கு மாகாணங்கள் மற்றும் காலி மற்றும் மாத்தறை மாவட்டங்களில் சில நேரங்களில் மழை அல்லது இடியுடன் கூடிய மழை பெய்யும் என்று வானிலை ஆய்வு மையம் அறிவித்துள்ளது.
சபராகமுவ மாகாணத்தில் சில இடங்களில் மற்றும் களுத்துறை, காலி, மாத்தறை, நுவரெலியா மற்றும் கண்டி மாவட்டங்களில் 75 மி.மீ. வரையில் மழைபெய்யக்கூடம் என தெரிவிக்கப்பட்டுள்ளது.
from tkn