காத்தான்குடி ஆதார வைத்தியசாலை கொரோனா சிகிச்சை நிலையமாக சுகாதார திணைக்களத்தினால் உள்வாங்கப்பட்டுள்ளது.
இதையடுத்து காத்தான்குடி ஆதார வைத்தியசாலையின் சில பிரிவுகள் காத்தான்குடி ஹிஸ்புல்லாஹ் மண்டபம் மற்றும் காத்தான்குடி நகர சபையின் பழைய கட்டிடம் ஆகியவற்றுக்கு தற்காலிகமாக மாற்றப்பட்டன.
இதையடுத்து காத்தான்குடி ஆதார வைத்தியசாலையில் இயங்கி வந்த வெளிநோயாளர் பிரிவு, குழந்தை பிரசவ விடுதி, மற்றும் கிளினிக் ஆகிய சேவைகள் காத்தான்குடி ஹிஸ்புல்லாஹ் மண்டபம் மற்றும் காத்தான்குடி நகர சபையின் பழைய கட்டிடம் ஆகியவற்றுக்கு தற்காலிகமாக மாற்றப்பட்டுள்ளது.
இதற்காக காத்தான்குடி நகர சபை இந்தக் கட்டிடங்களை வழங்கியுள்ளதாக காத்தான்குடி நகர சபை தவிசாளர் எஸ்.எச்.அஸ்பர் தெரிவித்தார்.
குருதி சுத்திகரிப்பு பிரிவு மற்றும் உள நல மருத்துவப்பிரிவு என்பனவும் நிருவாக நடவடிக்கையும் தொடர்ந்து காத்தான்குடி வைத்தியசாலைக் கட்டிடத்திலேயே இயங்குமென காத்தான்குடி ஆதார வைத்தியசாலை நிருவாகம் தெரிவிக்கின்றது.
காத்தான்குடி ஆதார வைத்தியசாலையின் வைத்திய அத்தியட்சகர் டாக்டர் எம்.எஸ்.எம்.ஜாபீர், காத்தான்குடி நகர சபை தவிசாளர் எஸ்.எச்.அஸ்பர் மற்றும் வைத்தியர்கள், ஊழியர்கள், நகர சபை ஊழியர்கள் இதனை மாற்றும் நடவடிக்கைகளில் ஈடுபட்டனர்.
புதிய காத்தான்குடி தினகரன் நிருபர்
from tkn