அவுஸ்திரேலிய பகிரங்க டென்னிஸ் போட்டியின் கால் இறுதி ஆட்டத்திற்கு ஹாலெப் மற்றும் டொமினிக் தகுதி பெற்றுள்ளனர்.
கிராண்ட்சலம் போட்டிகளில் ஒன்றான அவுஸ்திரேலிய பகிரங்க டென்னிஸ் போட்டி மெல்போர்ன் நகரில் நடைபெற்று வருகிறது. நேற்றுக் காலை நடந்த பெண்கள் ஒற்றையர் 4- ஆவது சுற்று ஆட்டம் ஒன்றில் உலகின் 4- ஆவது வரிசையில் உள்ள ஷிமோனா ஹாலெப் (ருமேனியா) 16-ஆவது இடத்தில் உள்ள மெர்டன்சை (பெல்ஜியம்) எதிர்கொண்டார். இதில் ஹாலெப் 6--4, 6--4 என்ற நேர் செட் கணக்கில் வென்று கால் இறுதிக்கு தகுதி பெற்றார். அவர் கால் இறுதியில் எஸ்டோனியா நாட்டை சேர்ந்த அனெட்டை சந்திக்கிறார்.
அடுத்த கால்இறுதி ஆட்டங்களில் ஆஸ்லே பார்ட்டி (அவுஸ்திரேலியா)- கிவிட்டோவா (செக் குடியரசு), சோபியா கெனின் (அமெரிக்கா)-ஜாபெர் (துனிசியா) மோதுகிறார்கள்.
ஆண்கள் ஒற்றையர் 4- ஆவது சுற்று ஆட்டம் ஒன்றில் 5- ஆவது வரிசையில் உள்ள டொமினிக் தீயம் (ஆஸ்திரியா)- மான்பில்ஸ் (பிரான்ஸ்) மோதினார்கள்.
இதில் டொமினிக் 6--2, 6--4, 6--4 என்ற நேர் செட் கணக்கில் வென்று முதல் முறையாக அவுஸ்திரேலிய பகிரங்க போட்டியில் கால்இ றுதிக்கு தகுதி பெற்றார்.
அவர் கால் இறுதியில் உலகின் முதல் நிலை வீரரான ரபெல் நடால் (ஸ்பெயின்) அல்லது கியோர்ஜியோசை (அவுஸ்திரேலியா) சந்திக்கிறார்.
from tkn