ஒக்லாந்து பகிரங்க டென்னிசில் இரட்டையர் பிரிவில் செரீனா, வொஸ்னியாக்கி இணைகிறார்கள். இருவரும் இணைந்து ஜோடியாக ஆட இருப்பது இதுவே முதல் முறையாகும்.
முன்னாள் முதனிலை டென்னிஸ் வீராங்கனை டென்மார்க்கின் கரோலின் வொஸ்னியாக்கி அடுத்த மாதம் மெல்போர்னில் நடக்கும் (ஜனவரி 20-ம்திகதி முதல் பெப்ரவரி 2-ம்திகதி வரை) அவுஸ்திரேலிய பகிரங்க டென்னிஸ் போட்டியுடன் ஓய்வு பெறுவதாக ஏற்கனவே அறிவித்து விட்டார்.
இந்த நிலையில் அதற்கு முன்பாக நியூசிலாந்தில் நடக்கும் ஒக்லாந்து பகிரங்க டென்னிஸ் போட்டியில் (ஜனவரி 6 முதல் 12 வரை) பங்கேற்க முடிவு செய்துள்ளார். அந்த போட்டியில் அவர் பெண்கள் இரட்டையர் பிரிவில் தனது தோழியும், 23 கிராண்ட்ஸ்லம் பட்டம் வென்ற சாதனையாளருமான செரீனா வில்லியம்சுடன் (அமெரிக்கா) இணைந்து விளையாட இருப்பதாக அறிவித்துள்ளார்.
செரீனா- வொஸ்னியாக்கி ஜோடி யாக ஆட இருப்பது இதுவே முதல் முறையாகும்.
from tkn