பிலாண்டர் அறிவிப்பு
சர்வதேச கிரிக்கெட்டில் இருந்து ஓய்வு பெறுவதாக தென்ஆபிரிக்காவின் முன்னணி வேகப்பந்து வீச்சாளர் பிலாண்டர் அறிவித்துள்ளார்.
தென்ஆபிரிக்கா அணியின் முன்னணி வேகப்பந்து வீச்சாளர் பிலாண்டனர். பந்தை ஸ்விங் செய்வதில் வல்லவர். 34 வயதாகும் இவர் இங்கிலாந்துக்கு எதிரான 2-வது டெஸ்ட் போட்டியோடு சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார்.
2-வது டெஸ்ட் அவரது சொந்த மைதானமான கேப்டவுனில் நடக்கிறது. சொந்த மைதானத்தில் விளையாடியதோடு கிரிக்கெட் முடித்துக் கொள்கிறார்.
34 வயதான பிலாண்டர் 60 டெஸ்ட் போட்டிகளில் 216 விக்கெட்டுக்கள் கைப்பற்றியுள்ளார். 13 முறை ஐந்து விக்கெட்டுக்களும், இரண்டு முறை 10 விக்கெட்டுக்களும் வீழ்த்தியுள்ளார். 30 ஒருநாள் போட்டியில் 41 விக்கெட்டும், 7 ரி 20 போட்டியில் 4 விக்கெட்டும் வீழ்த்தியுள்ளார். டெஸ்ட் போட்டியில் 8 அரைசதங்களுடன் 1619 ஓட்டங்கள் அடித்துள்ளார்.
from tkn