முதலிடத்தில் இங்கிலாந்து
இங்கிலாந்தில் நடைபெற்ற உலகக் கிண்ண கிரிக்கெட் தொடரில் நியூசிலாந்தை பவுண்டரிகள் அடிப்படையில் வீழ்த்தி சம்பியன் பட்டம் வென்றது இங்கிலாந்து.
உலகக் கிண்ண கிரிக்கெட் தொடர் தொடங்குவதற்கு முன் இங்கிலாந்து அணி ஐசிசி தரவரிசையில் முதல் இடத்தில் இருந்தது. இந்தியா இரண்டாவது இடத்தில் இருந்தது.
தொடரின் லீக் ஆட்டங்கள் பாதி முடிந்த நிலையில் இங்கிலாந்து தொடர்ச்சியாக சில தோல்விகளை சந்தித்ததால் ஐசிசி தரவரிசையில் 2-வது இடத்திற்கு பின் தங்கியது. அதன்பின் இந்தியா - இங்கிலாந்து இடையிலான ஆட்டத்தில் இங்கிலாந்து வெற்றி பெற்றதும் மீண்டும் முதல் இடத்திற்கு முன்னேறியது.
தற்போது உலகக் கிண்ணத்தை வென்றதன் மூலம் 125 புள்ளிகளுடன் முதல் இடத்தில் தொடர்ந்து நீடிக்கிறது. இந்தியா 122 புள்ளிகளுடன் 2-வது இடத்தில் நீடிக்கிறது. 2-வது இடம் பிடித்த நியூசிலாந்து 112 புள்ளிகளுடன் 3-வது இடத்திலும், அரையிறுதியில் தோல்வியடைந்த அவுஸ்திரேலியா 111 புள்ளிகளுடன் 4-வது இடத்தில் உள்ளது.
from tkn