முடிவுக்கு கொண்டுவர சர்வதேச மன்னிப்பு சபை கோரல்
இலங்கையில் 2013 ஆம் ஆண்டிலிருந்து முஸ்லிம் சமூகம் தொடர்ச்சியான பாகுபாடு, துன்புறுத்தல் மற்றும் வன்முறை சம்பவங்களை அனுபவித்து வருவதாக சர்வதேச மன்னிப்பு சபை தெரிவித்துள்ளது. இது சிறுபான்மை குழுவை வெளிப்படையாக குறிவைக்கும் கொள்கைகளை ஏற்றுக்கொள்வதில் உச்சக்கட்டத்தை அடைந்துள்ளதாக சர்வதேச மன்னிப்பு சபை நேற்று வெளியிட்டுள்ள அறிக்கையில் சுட்டிக்காட்டியுள்ளது.
எரியும் வீடுகள் முதல் எரியும் உடல்கள் வரை இலங்கையில் முஸ்லிம் துன்புறுத்தல், பாகுபாடு மற்றும் வன்முறை, தேசியவாதத்தின் மத்தியில் 2013 முதல் இலங்கையில் முஸ்லிம் எதிர்ப்பு உணர்வின் வளர்ச்சியைக் கண்டறிந்துள்ளது.
இந்த பாகுபாடு, தண்டனையின்றி தொடர்ச்சியான கும்பல் தாக்குதல்களிலிருந்து, முஸ்லிம்களுக்கு எதிராக வெளிப்படையாக பாகுபாடு காட்டும் கொள்கைகளாக உருவானது.
இதில் கொவிட் -19 இதனால் பாதிக்கப்பட்டு உயிரிழக்கும் முஸ்லிம்களின் உடல்களை கட்டாயமாக தகனம் செய்வது மற்றும் நிகாப் (முகத்திரை) மற்றும் மதரசாக்கள் (மதப் பாடசாலைகள்) இரண்டையும் தடை செய்ய தற்போதைய திட்டங்கள் ) போன்ற திட்டங்களும் உள்ளடங்கும்.
இலங்கை அதிகாரிகள் இந்த ஆபத்தான போக்கை கைவிட்டு, முஸ்லிம்களை மேலும் தாக்குதல்களிலிருந்து பாதுகாப்பது, குற்றவாளிகளை பொறுப்பேற்கச் செய்வது மற்றும் முஸ்லிம் சமூகத்தை குறிவைத்து, துன்புறுத்துதல் மற்றும் பாகுபாடு காட்டுவதற்கான கொள்கைகளின் பயன்பாட்டை நிறுத்த வேண்டும் என்றும் சர்வதேச மன்னிப்பு சபை அந்த அறிக்கையில் வலியுறுத்தியுள்ளது.
from tkn