Header Ads

பலஸ்தீனத்திற்கு ஆதரவாக சர்வதேச நீதிமன்றில் தீர்ப்பு

சர்வதேச குற்றவியல் நீதிமன்றம், பலஸ்தீன வட்டாரங்கள் ‘தனது நீதி அதிகார வரம்புக்கு உட்பட்டவை’ எனத் தீர்ப்பளித்துள்ளது. அதன் மூலம், இஸ்ரேல் ஆக்கிரமித்துள்ள பகுதிகளில் போர்க் குற்றங்கள் குறித்த புலனாய்வை நடத்தும் வாய்ப்பு உருவாகியுள்ளது.

இஸ்ரேல் ஆக்கிரமித்துள்ள பலஸ்தீன மேற்குக் கரை, ஜெரூசலம், காசா உள்ளிட்ட பகுதிகள், சர்வதேச குற்றவியல் நீதிமன்றத்தின் வரம்புக்குள் அடங்கும்.

பலஸ்தீன அதிகாரசபை, சர்வதேச நீதிமன்றத்தின் உறுப்பினராக நீடிக்கிறது. ஆனால், இஸ்ரேல் அப்படி இல்லை.

சர்வதேச குற்றவியல் நீதிமன்றத்தின் தீர்ப்பை நிராகரித்த இஸ்ரேலியப் பிரதமர் பெஞ்சமின் நெதன்யாகு, அது “தெளிவான யூத எதிர்ப்புவாதம்” என்று கண்டித்தார்.

சர்வதேச குற்றவியல் நீதிமன்றத்தின் முடிவு, அதிக அக்கறைக்குரியது என அமெரிக்கா குறிப்பிட்டது.

இஸ்ரேல், சர்வதேச நீதிமன்றத்தின் உறுப்பு நாடாக இல்லை. ஆகவே, அதன் அதிகாரம் இஸ்ரேலைக் கட்டுப்படுத்தக் கூடாது என அமெரிக்கா குறிப்பிட்டது.

Mon, 02/08/2021 - 10:04


from tkn

கருத்துகள் இல்லை

Blogger இயக்குவது.