Header Ads

பிளாஸ்டிக் சத்திரசிகிச்சை பற்றி பிரபல சீன நடிகை எச்சரிக்கை

அழகுக்காக செய்யப்படும் பிளாஸ்டிக் சத்திரசிகிச்சையில் தவறு ஏற்பட்டதால் தனது மூக்கு பகுதி பாதிக்கப்பட்டிருக்கும் புகைப்படத்தை வெளியிட்டிருக்கும் சீன நடிகை ஒருவர் அவ்வாறான சத்திரசிகிச்சைகள் பற்றி எச்சரிக்கை விடுத்துள்ளார்.

சீனாவின் வளர்ந்து வரும் நட்சத்திரமாக பார்க்கப்படும் பாடகியும் நடிகையுமான கவோ லியு பல்வேறு திரைப்படங்களில் நடித்துள்ளார். எனினும் அவர் அண்மைய மாதங்களில் பொதுவெளியில் காணாமல்போயிருந்தார்.

இந்நிலையில் வெய்போ சமூக ஊடகத்தில் தான் பொதுவெளிக்கு வராதது பற்றி விளக்கி பதிவொன்றை வெளியிட்டுள்ளார். அதில் தாம் செய்துகொண்ட அழகுக்கான அறுவைச் சிகிச்சை காரணமாக தனது மூக்கின் நுனிப் பகுதி இறந்துவிட்டதாக தெரிவித்துள்ளார்.

அவர் தனது புகைப்படத்தை ஐந்து மில்லியன் பின்தொடருனருக்கு பகிர்ந்துள்ளார். இது சீனாவில் அதிக பிரபலமான அழகுக்கான சத்திரசிகிச்சை பற்றி அதிக விவாதத்தை ஏற்படுத்தியுள்ளது.

தனது மூக்கை கூர்மையாக்கிக் கொண்டால் தனது எதிர்காலத்திற்கு சிறந்ததாக அமையும் என்று நம்பியே இந்த சத்திர சிகிச்சையை செய்து கொண்டதாக அவர் தெரிவித்துள்ளார்.

பாதிப்பின் அளவு காரணமாக அடுத்த ஓர் ஆண்டுக்கு தனது மூக்கை சீர் செய்வதற்கு மாற்று சத்திரசிகிச்சை செய்ய முடியாத நிலை ஏற்பட்டுள்ளதாகவும் அவர் தெரிவித்தார்.

Sat, 02/06/2021 - 18:02


from tkn

கருத்துகள் இல்லை

Blogger இயக்குவது.