Header Ads

தேர்தல் தோல்வியால் வன்முறையை தூண்டிய ட்ரம்ப்

தேர்தல் தோல்வியால் வன்முறையை தூண்டிய ட்ரம்ப்-US Capitol Hill Siege-4 Killed

- ஜோ பைடன் ஜனாதிபதியாக தெரிவானதாக அறிவிப்பு
- அமெரிக்க நாடாளுமன்ற கட்டடத்திற்குள் நுழைந்த ஆர்ப்பாட்டக்காரர்கள்
- நாலவர் மரணம்; உலக நாடுகள் கண்டனம்

அமெரிக்க ஜனாதிபதி டொனால்ட் ட்ரம்பே வன்முறையை தூண்டிவிட்டு வேடிக்கை பார்த்தது அவமானம் என உலக நாடுகளின் தலைவர்கள் கண்டனம் தெரிவித்து வருகின்றனர்.

அமெரிக்காவில் அண்மையில் இடம்பெற்ற ஜனாதிபதித் தேர்தலில் ஜோ பைடன் வெற்றி பெற்றதனை உத்தியோகபூர்வமாக அறிவிக்கும் நிகழ்வை தடுக்கும் வகையில், டொனால்ட் ட்ரம்ப் தமது ஆதரவாளர்களுக்கு நேற்று அறை கூவல் விடுத்திருந்தார்.

இந்த நிலையில் கெபிட்டல் கட்டடத்தில் எல்க்டோரல் வாக்குகளை பரிசீலனை செய்து ஜோ பைடன் வெற்றியாளர் என அதிகாரப்பூர்வமாக அறிவிக்கும் பணிகள் தொடங்கின.

ஜனாதிபதித் தேர்தல் முடிவுகளை உறுதி செய்வதற்காக நாடாளுமன்றக் கூட்டம் நடந்துகொண்டிருந்தது.

இந்த பணிகளை தடுத்து நிறுத்த ட்ரம்ப் ஆதரவாளர்கள் கெபிட்டல் கட்டடத்திற்குள் நுழைந்தனர். அப்போது கட்டடத்தின் ஜன்னல்களை உடைப்பது, அங்கிருந்த பொருட்களை சூறையாடுவது என கலவரமாக மாறிய குறித்த போராட்டத்தில் ட்ரம்ப் ஆதரவாளர்கள் வன்முறையில் ஈடுபட்டனர்.

அத்துமீறி உள்ளே நுழைந்த ட்ரம்ப் ஆதரவாளர்கள் போலீஸாரால் கட்டுப்படுத்த முடியாத நிலையின் போது துப்பாக்கிச் சூடு நடத்தப்பட்டு பெண் ஒருவர் பலியானார்.

சில கலவரக்காரரர்கள் பக்கச் சுவற்றைப் பிடித்து ஏறிச் சென்று நாடாளுமன்ற செனட் அவைக்குள் நுழைந்தனர். நாடாளுமன்ற உறுப்பினர்கல் தாக்குதலில் இருந்து தப்பிக்க ஓட வேண்டிய நிலை ஏற்பட்டது.

இதற்கு முன்னர் 200 ஆண்டுகளுக்கு முன்னர் நாடாளுமன்ற கட்டடத்திற்குள் இது போன்ற வன்முறை நிகழ்ந்துள்ளதாக தெரிவிக்கப்படுகின்றது.

அத்துடன் தற்போது இடம்பெறும் வன்முறை தொடர்பில் உலகத் தலைவர்கள் கண்டனம் தெரிவித்துள்ளார்கள்.

நார்வோஜியன் பிரதமர் எர்னா சோல்பெர்க் கூறுகையில், வாஷிங்டனில் நாம் பார்ப்பது முற்றிலும் ஏற்க முடியாதது. இது ஜனநாயகத்தின் மீதான தாக்குதலாகும் எனத் தெரிவித்துள்ளார்.

கேப்பிடல் கட்டடம் மீண்டும் பாதுகாப்புப் படையின் கட்டுப்பாட்டுக்குள் வந்து, நிறுத்தப்பட்ட நாடாளுமன்றக் கூட்டம் மீண்டும் தொடங்கியுள்ளது.

இச்சம்பவத்தில் இதுவரை பலர் கைது செய்யப்பட்டுள்ளதாகவும், ஆர்பாட்டக்காரர்களிடமிருந்து துப்பாக்கிகள் பறிமுதல் செய்யப்பட்டுள்ளதாகவும் சர்வதேச செய்திகள் தெரிவிக்கின்றன.

இக்கலவரம் குறித்து தெரிவித்த ஜனாதிபதியாக தேர்ந்தெடுக்கப்பட்ட ஜோ பைடன், தனது கண்டனைத்தை வெளியிட்டதோடு, டொனால்ட் ட்ரம்ப் தனது தோல்வியை ஏற்க மறுத்த வன்முறை வெளிப்பாடே இதுவென்றும், ட்ரம்ப் தனது கும்பலை போராட்டத்துக்கு தூண்டிவிட்டதாகவும் தெரிவித்துள்ளார்.

மேலும், ஜனநாயகம் கடுமையான தாக்குதலுக்கு உட்படுத்தப்பட்டுள்ளதாக கூறிய அவர், நாட்டின் வரலாற்றில் இது ஒரு இருண்ட தருணம் எனவும் தெரிவித்துள்ளார்.

இதனைத் தொடர்ந்து தனது ஆதரவாளர்களை வீட்டுக்குத் திரும்புமாறு தெரிவித்து ட்ரம்ப் வெளியிட்டுள்ள வீடியோவை, தேர்தல் விதிமுறை மீறல் மற்றம் வன்முறையை ஏற்படுத்தும் வகையில் அமைந்துள்ளது என ட்விற்றர் தளம் குறிப்பிட்டுள்ளது.

இந்நிலையில், ஜனாதிபதியாக ஜோ பைடன் தெரிவாகியுள்ளதாக உத்தியோகபூர்வமாக தற்போது அறிவிக்கப்பட்டுள்ளது.

அத்துடன் குறித்த சம்பவங்கள் தொடர்பில் பிரதி பாதுகாப்பு ஆலோசகர் மெட் பொட்டிங்கர் உள்ளிட்ட வெள்ளை மாளிகை நிர்வாக அதிகாரிகள் நால்வர் தங்களது இராஜினாமாவை அறிவித்துள்ளனர்.

இது தொடர்பில் பிபிசி நிறுவனம் வெளியிட்டுள்ள புகைப்படத் தொகுப்பு...

 

அமெரிக்க கேபிடல் கட்டடத்தின் பாதுகாப்பை மீறி உள்ளே நுழைந்த போராட்டக்காரர் ஒருவர் கையில் கான்ஃபெடரேட் கொடியை பிடித்திருக்கிறார்.
படக்குறிப்பு,

அமெரிக்க கேபிடல் கட்டடத்தின் பாதுகாப்பை மீறி உள்ளே நுழைந்த போராட்டக்காரர் ஒருவர் கையில் கான்ஃபெடரேட் கொடியை பிடித்திருக்கிறார்.


நாடாளுமன்றத்தின் உள்ளே நுழைந்த டிரம்ப் ஆதரவு கும்பல் அந்த வரலாற்றுச் சிறப்பு மிக்க கட்டடத்தில் ஆங்காங்கே நின்று படமெடுத்துக் கொள்ளவும் தவறவில்லை.
படக்குறிப்பு,

நாடாளுமன்றத்தின் உள்ளே நுழைந்த டிரம்ப் ஆதரவு கும்பல் அந்த வரலாற்றுச் சிறப்பு மிக்க கட்டடத்தில் ஆங்காங்கே நின்று படமெடுத்துக் கொள்ளவும் தவறவில்லை.


நாடாளுமன்றத்தின் உரைமேடை ஒன்றைத் தூக்கிக்கொண்டு ஓடும் நபர்.
படக்குறிப்பு,

நாடாளுமன்றத்தின் உரைமேடை ஒன்றைத் தூக்கிக்கொண்டு ஓடும் நபர்.


அமெரிக்க நாடாளுமன்ற அவைகளின் கூட்டுக் கூட்டம் நடந்தபோது கலவரக்காரர்கள் செனட் அவை ஜன்னல் கண்ணாடிகளை உடைத்ததால், அவர்களை நோக்கி துப்பாக்கியைத் திருப்பிய அதிகாரிகள்.
படக்குறிப்பு,

அமெரிக்க நாடாளுமன்ற அவைகளின் கூட்டுக் கூட்டம் நடந்தபோது கலவரக்காரர்கள் செனட் அவை ஜன்னல் கண்ணாடிகளை உடைத்ததால், அவர்களை நோக்கி துப்பாக்கியைத் திருப்பிய அதிகாரிகள்.


உப்பரிகையில் இருந்து செனட் தளத்துக்கு தாவிக்குதிக்கும் போராட்டக்காரர் ஒருவர்.
படக்குறிப்பு,

உப்பரிகையில் இருந்து செனட் தளத்துக்கு தாவிக்குதிக்கும் போராட்டக்காரர் ஒருவர்.


கலவரம் நடந்தபோது நாடாளுமன்ற உறுப்பினர்களும், ஊழியர்களும் பாதுகாப்பு கவச உடைகளும், வாயுத் தாக்குதலில் இருந்து பாதுகாக்கும் முக கவசமும் அணிந்திருந்தனர்.
படக்குறிப்பு,

கலவரம் நடந்தபோது நாடாளுமன்ற உறுப்பினர்களும், ஊழியர்களும் பாதுகாப்பு கவச உடைகளும், வாயுத் தாக்குதலில் இருந்து பாதுகாக்கும் முக கவசமும் அணிந்திருந்தனர்.


'டிரம்ப்தான் என் அதிபர்' என்று எழுதிய கொடியை ஏந்தியுள்ள ஒரு நபர்.
படக்குறிப்பு,

'டிரம்ப்தான் என் அதிபர்' என்று எழுதிய கொடியை ஏந்தியுள்ள ஒரு நபர்.


நாடாளுமன்ற அவைத் தலைவர் நான்சி பெலோசி அறையில் இப்படி கால் நீட்டி அமர்ந்துள்ள நபர், போகும்போது 'நாங்கள் பின்வாங்க மாட்டோம்' என்று எழுதி வைத்துச் சென்றுள்ளார்.
படக்குறிப்பு,

நாடாளுமன்ற அவைத் தலைவர் நான்சி பெலோசி அறையில் இப்படி கால் நீட்டி அமர்ந்துள்ள நபர், போகும்போது 'நாங்கள் பின்வாங்க மாட்டோம்' என்று எழுதி வைத்துச் சென்றுள்ளார்.


ஆயுத போலீசார் அடிபணிய வைத்த போராட்டக்காரரர்கள்.
படக்குறிப்பு,

ஆயுத போலீசார் அடிபணிய வைத்த போராட்டக்காரரர்கள்.


டிரம்ப் ஆதரவு கும்பல் அமெரிக்க நாடாளுமன்றத்தில் நடத்திய கலவரம்.
படக்குறிப்பு,

அமெரிக்க நாடாளுமன்றத்தில் கலவரம் செய்த டிரம்ப் ஆதரவு கும்பல் போலீசாரோடு பேசுகிறது.


ஜன்னலை உடைத்து உள்ளே நுழையும் போராட்டக்காரர் ஒருவர் மீது பெப்பர் ஸ்பிரே தெளிக்கும் போலீஸ்காரர் ஒருவர்.
படக்குறிப்பு,

ஜன்னலை உடைத்து உள்ளே நுழையும் போராட்டக்காரர் ஒருவர் மீது பெப்பர் ஸ்பிரே தெளிக்கும் போலீஸ்காரர் ஒருவர்.


நாடாளுமன்றத்தின் மைய ரோடுண்டா பகுதியை அடைந்ததைக் கொண்டாடும் கும்பல்.
படக்குறிப்பு,

நாடாளுமன்றத்தின் மைய ரோடுண்டா பகுதியை அடைந்ததைக் கொண்டாடும் கும்பல்.


செனட் மேடையில் போஸ் கொடுக்கும் போராட்டக்காரர்கள்.
படக்குறிப்பு,

செனட் மேடையில் போஸ் கொடுக்கும் போராட்டக்காரர்கள்.


டிரம்ப் ஆதரவு கும்பல் அமெரிக்க நாடாளுமன்றத்தில் நடத்திய கலவரம்.
படக்குறிப்பு,

கலவரத்தில் ஒரு மாறுவேடப்போட்டி?


சுதந்திர தேவி சிலை போல வேடம் போட்ட டிரம்ப் ஆதரவாளர் ஒருவர்.
படக்குறிப்பு,

சுதந்திர தேவி சிலை போல வேடம் போட்ட டிரம்ப் ஆதரவாளர் ஒருவர்.


இந்த வன்முறைக்கு எதிர்வினையை விரைந்து மேற்கோள்ளுமாறு டிரம்பை கேட்டுக்கொண்ட ஜோ பைடன்.
படக்குறிப்பு,

இந்த வன்முறைக்கு எதிர்வினையை விரைந்து மேற்கோள்ளுமாறு டிரம்பை கேட்டுக்கொண்ட ஜோ பைடன்.


கேபிடல் கட்டட வன்முறைகளை அடுத்து தன் ஆதரவாளர்கள் வீட்டுக்குத் திரும்பவேண்டும் என்று கூறி டிரம்ப் பேசிய வீடியோ வன்முறையை ஏற்படுத்தும் வகையில் இருப்பதாக டிவிட்டர் குறிப்பிட்டுள்ளது.
படக்குறிப்பு,

கேபிடல் கட்டட வன்முறைகளை அடுத்து தன் ஆதரவாளர்கள் வீட்டுக்குத் திரும்பவேண்டும் என்று கூறி டிரம்ப் பேசிய வீடியோ வன்முறையை ஏற்படுத்தும் வகையில் இருப்பதாக டிவிட்டர் குறிப்பிட்டுள்ளது.


அமெரிக்க நாடாளுமன்றக் கட்டடத்துக்கு முன்பாக கூடிய டிரம்ப் ஆதரவு கும்பல்.
படக்குறிப்பு,

அமெரிக்க நாடாளுமன்றக் கட்டடத்துக்கு முன்பாக கூடிய டிரம்ப் ஆதரவு கும்பல்.

டிரம்ப் ஆதரவு கும்பல் நாடாளுமன்றக் கட்டடமான கேபிடல் கட்டடத்தில் சுற்றிக் கொண்டிருந்த நிலையில், பொழுது சாய்ந்து அந்தக் கட்டடத்தை மாலை இருள் சூழும் காட்சி.
படக்குறிப்பு,

டிரம்ப் ஆதரவு கும்பல் நாடாளுமன்றக் கட்டடமான கேபிடல் கட்டடத்தில் நடமாடிக் கொண்டிருந்த நிலையில், பொழுது சாய்ந்து அந்தக் கட்டடத்தை மாலை இருள் சூழும் காட்சி.

Thu, 01/07/2021 - 14:54


from tkn

கருத்துகள் இல்லை

Blogger இயக்குவது.