Header Ads

சிறைகளிலுள்ள அரசியல் கைதிகளுக்கு பொதுமன்னிப்பு; வடமாகாண சர்வமத தலைவர்கள் ஜனாதிபதிக்கு கடிதம்

சிறைகளில் உள்ள அரசியல் கைதிகளுக்கு பொது மன்னிப்பு வழங்குமாறு வடக்கு மாகாணத்தில்  உள்ள சர்வ மத தலைவர்கள் ஒன்றிணைந்து ஜனாதிபதி கோட்டாபய ராஜபக்சவிடம்  கூட்டாக கோரிக்கை விடுத்துள்ளனர்.

மேற்குறித்த விடயம் தொடர்பாக மதத் தலைவர்களின் கையெழுத்து அடங்கிய மகஜர் ஒன்று நேற்று முன்தினம் ஜனாதிபதிக்கு அனுப்பி வைக்கப்பட்டுள்ளது.

அரசியல் கைதிகளின் விடுதலையை வலியுறுத்தி குரல் அற்றவர்களின் குரல் அமைப்பின் ஏற்பாட்டில் கடந்த மாதம்  யாழ். மாவட்டத்தில் உள்ள சர்வமத தலைவர்களுடனான கலந்துரையாடல் ஒன்று இடம்பெற்றது. அதில், அரசியல் கைதிகளின் விடுதலை தொடர்பாக வடக்கில் உள்ள சர்வ மதத்தலைவர்களின் கோரிக்கை அடங்கிய மகஜர் ஒன்று ஜனாதிபதிக்கு அனுப்பி வைப்பதாக தீர்மானிக்கப்பட்டது.

அதனடிப்படையில் நேற்று முன்தினம் மத தலைவர்களிடம் கையெழுத்து பெறப்பட்டு யாழ்.ஸ்ரீநாக விகாரை விகாராதிபதி மீஹாகஜதுர ஸ்ரீ விமலதேரர் ஊடாக ஜனாதிபதிக்கு அனுப்பிவைக்கப்பட்டுள்ளது. மதத்தலைவர்களின் கையெழுத்து அடங்கிய மகஜரை குரலற்றவர்களின் குரல் அமைப்பின் இணைப்பாளர் மு.கோமகன் தேரரிடம் வழங்கி வைத்தார்.

Thu, 01/21/2021 - 10:46


from tkn

கருத்துகள் இல்லை

Blogger இயக்குவது.