அம்பாறை பிரதான வீதியில் இன்று (07) காலை ஏற்பட்ட வெள்ளப்பெருக்குக் காரணமாக போக்குவரத்துக்களுக்கு தடை ஏற்பட்டிருந்தது.
காரைதீவு - அம்பாறை வீதி - வளத்தாப்பிட்டி (KA Road - 14th km) பகுதியில் காணப்பட்ட வில்லுக்குளம் உடைந்ததனால் வெள்ளப்பெருக்கு ஏற்பட்டு இவ்வீதி வெள்ளத்தில் மூழ்கியிருந்நது.
இதனால் கடமைக்குச் செல்லும் ஊழியர்களும் பொதுமக்களும் பல்வேறு அசௌகரியங்களை சந்தித்தனர். குறிப்பாக துவிச்சக்கர வண்டி, மோட்டார் சைக்கிள்கள் என்பன வீதியால் பயணம் செய்வது தடைப்பட்டிருந்த போதும், வாகனங்கள் மட்டுமே போக்குவரத்தில் ஈடுபட்டிருந்தன.
மேலும் இவ்வீதியால் பயணித்த டிப்பர் வாகனம் ஒன்று வெள்ளப்பெருக்கு காரணமாக வீதியை விட்டு விலகி குடைசாய்ந்திருந்ததும் குறிப்பிடத்தக்கதாகும்.
(நிந்தவூர் குறூப் நிருபர் - சுலைமான் றாபி)
Mon, 12/07/2020 - 17:14
from tkn