Header Ads

மினுவாங்கொடை கொத்தணி தற்போது பூரண கட்டுப்பாட்டில்

இராணுவத்தளபதி சவேந்திர சில்வா தெரிவிப்பு

மினுவாங்கொடை கொத்தணி தற்போது முற்றுமுழுதாக கட்டுப்பாட்டுக்குள் கொண்டுவரப்பட்டுள்ளதாக இராணுவத்தளபதி லெப்.ஜெனரல் சவேந்திர சில்வா தெரிவித்துள்ளார்.

மினுவாங்கொடை கொத்தணியில் வைரஸ் தொற்றுள்ளவர்களாக கண்டறியப்பட்ட 3106 பேரில் தற்போது 136 நோயாளிகளே மருத்துவமனைகளில் சிகிச்சை பெறுவதாக அவர் தெரிவித்தார்.

கொவிட்-19 இரண்டாவது அலை கடந்த ஒக்டோபர் 4ஆம் திகதி மினுவாங்கொடையில் ஆரம்பித்த போது அதை 3106 நோயாளிகளாக மட்டுப்படுத்த முடிந்தது என்றும் மினுவாங்கொடை கொத்தணி தற்போது முற்றுமுழுதாக பூரண கட்டுப்பாட்டில் கொண்டுவரப்பட்டுள்ளது என்றும் அவர் தெரிவித்தார்.

கம்பஹாவில் யாராவது ஒரு வைரஸ் பாதிக்கப்பட்ட நோயாளி இப்போது கண்டுபிடிக்கப்பட்டால் அவர் பேலியகொட மீன்சந்தைக் கொத்தணியுடனேயே தொடர்புபட்டிருப்பார் என்றார். இதேவேளை நேற்று முன்தினம் (15) மொத்தமாக 704 கொவிட்- 19 நோயாளர்கள் இனங்காணப்பட்டதாகவும் அவர்களில் 541பேர் கொழும்பு மாவட்டத்திலிருந்து அறியப்பட்டதாகவும் அதிகமான நோயாளர்கள் கொழும்பு மாநகர சபை எல்லைக்குள்ளேயே இனங்காணப்பட்டதாகவும் அவர் மேலும் கூறினார்.

 

 

Tue, 11/17/2020 - 06:00


from tkn

கருத்துகள் இல்லை

Blogger இயக்குவது.