அவுஸ்திரேலியாவுக்கு எதிரான 2வது ஒருநாள் போட்டியில் இங்கிலாந்து அணி 24 ஓட்டங்கள் வித்தியாசத்தில் வெற்றி பெற்றது.
ஆரோன் பிஞ்ச் தலைமையிலான அவுஸ்திரேலிய கிரிக்கெட் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது.20 ஓவர் தொடரை 1-2 என்ற கணக்கில் இழந்த அவுஸ்திரேலியா அடுத்து 3 போட்டிகள் கொண்ட ஒரு நாள் தொடரில் ஆடுகிறது.
முதல் ஒருநாள் போட்டியில் இங்கிலாந்து அணியை 19 ஓட்டங்கள் வித்தியாசத்தில் வீழ்த்துயது அவுஸ்திரேலியா.
இந்நிலையில், இங்கிலாந்து-அவுஸ்திரேலியா இடையிலான இரண்டாவது ஒருநாள் கிரிக்கெட் போட்டி மான்செஸ்டரில் நடைபெற்றது. நாணயச்சுழற்சியில் வென்ற இங்கிலாந்து முதலில் துடுப்பாட்டத்தை தேர்வு செய்தது.
இதையடுத்து, இங்கிலாந்து அணி களமிரங்கியது. அந்த அணியில் எந்த வீரரும் நிலைத்து நின்று ஆடவில்லை.
சீரான இடைவெளியில் விக்கெட்டுகள் வீழ்ந்தன. ஜோ ரூட் 39 ஓட்டங்கள், மார்கன் 42 ஓட்டங்கள், டொம் குரன் 37 ஓட்டங்கள் மற்றும் ஆடில் ரஷீத் 35 ஓட்டங்களும் எடுத்தனர்.
இறுதியில், இங்கிலாந்து அணி நிர்ணயிக்கப்பட்ட 50 ஓவரில் 9 விக்கெட்டுக்கு 231 ஓட்டங்கள் எடுத்தது. அவுஸ்திரேலியா சார்பில் சம்பா 3 விக்கெட், ஸ்டார்க் 2 விக்கெட் வீழ்த்தினர்.
இதைத்தொடர்ந்து 232 ஓட்டங்கள் எடுத்தால் வெற்றி என்ற இலக்குடன் அவுஸ்திரேலியா அணி விளையாடியது. தொடக்க ஆட்டக்காரர் ஆரோன் பிஞ்ச் பொறுப்புடன் ஆடி அரை சதமடித்தார். அவர் 73 ஓட்டங்களுக்கு ஆட்டமிழந்தார்.
அரைச் சதமடிப்பார் என எதிர்பார்க்கப்பட்ட லாபஸ்சாக்னே 48 ஓட்டங்களில் வெளியேறினார். அலெக்ஸ் கேரி 36 ஓட்டங்கள் சேர்த்தார். மற்றவர்கள் விரைவில் வெளியேறினர்.
இறுதியில் அவுஸ்திரேலிய அணி 207 ஓட்டங்களுக்கு அனைத்து விக்கெட்டுகளையும் இழந்தது.
இதையடுத்து 24 ஓட்டங்கள் வித்தியாசத்தில் வென்ற இங்கிலாந்து, ஒருநாள் தொடரை1-1 என சமன் செய்துள்ளது.
இங்கிலாந்து சார்பில் ஜோப்ரா ஆர்ச்சர், வோக்ஸ், சாம் கரன் ஆகியோர் தலா 3 விக்கெட் வீழ்த்தினர். ஆட்ட நாயகனாக ஜோப்ரா ஆர்ச்சர் தேர்வு செய்யப்பட்டார்.
from tkn