Header Ads

கொரோனா தடுப்பு மருந்துக்கான முதலீட்டை இரட்டிப்பாக்கிய அமெ.

அமெரிக்கா கொவிட் – 19 வைரஸ் தொற்றுக்கான தடுப்பு மருந்தை உருவாக்குவதற்காக செய்த அதன் முதலீட்டை இரட்டிப்பாக்கியுள்ளது.

தடுப்பு மருந்தை உருவாக்குவதில் தீவிரமாக செயல்படும் மொடர்னா நிறுவனத்துக்கு அமெரிக்க அரசாங்கம் சுமார் ஒரு பில்லியன் டொலர் வரை வழங்குகிறது.

இறுதிக்கட்ட பரிசோதனைகளைத் ஆரம்பிக்கவிருக்கும் மொடர்னா நிறுவனத்துக்கு இதற்குமுன் 483 மில்லியன் டொலர் வழங்கப்பட்டது. தற்போது அதற்கும் மேல் 472 மில்லியன் டொலரை வழங்கவிருப்பதாக அமெரிக்க அரசாங்கம் குறிப்பிட்டது.

மூன்றாம் கட்ட பரிசோதனைகளை சுமார் 30 ஆயிரம் பேரிடம் நடத்தவிருக்கும் மொடர்னா நிறுவனம், அரசாங்கத்தின் முதலீடு தேவையான ஒன்று எனத் தெரிவித்தது.

மொடர்னா நிறுவனத்தின் ஆரம்பக் கட்ட சோதனை சிறிய அளவில் நடத்தப்பட்டது. அதில் பங்கேற்ற 45 பேரின் உடலிலும் நிறுவனம் தயாரித்த தடுப்பு மருந்து, கொரோனா வைரசுக்கு எதிரான எதிர்ப்புச் சக்தியை உருவாக்கியது.

Tue, 07/28/2020 - 09:01


from tkn

கருத்துகள் இல்லை

Blogger இயக்குவது.