வர்த்தக பேச்சை ஆரம்பிக்க சீனா-அமெரிக்கா இணக்கம்

உலகப் பொருளாதார மந்த நிலைக்கு வித்திட்ட நீண்ட சர்ச்சையை முடிவுக்கு கொண்டு வரும் வகையில் வர்த்தகப் பேச்சுவார்த்தையை மீண்டும் ஆரம்பிக்க அமெரிக்காவும், சீனாவும் இசைந்துள்ளன.

ஜப்பானில் நடைபெற்ற ஜி–20 நாடுகளின் உச்சி மாநாட்டில் அமெரிக்க ஜனாதிபதி டொனால்ட் டிரம்பும், சீன ஜனாதிபதி ஷி ஜின்பிங்கும் இந்த முடிவுக்கு வந்துள்ளனர்.

சீன தொழில்நுட்ப நிறுவனமான ஹுவாவியிற்்கு பொருட்களை விற்பனை செய்வதற்கு அமெரிக்க நிறுவனங்களுக்கு அனுமதி அளிக்கப்படும் என்றும் ஜனாதிபதி டிரம்ப் தெரிவித்துள்ளார். இந்த நடவடிக்கை மிகவும் முக்கியமானதாக பார்க்கப்படுகிறது,

சீனா மீது மேலதிக தடைகளை விதிக்கப் போவதாக டொனால்ட் டிரம்ப் தெரிவித்திருந்தமை குறிப்பிடத்தக்கது.

ஒசாகாவில் நடைபெற்ற இந்த உச்ச மாநாட்டின்போது நடைபெற்ற இந்த சந்திப்பில், சீனாவில் இருந்து இறக்குமதி செய்யப்படும் பொருட்களுக்கு மேலதிகமாக 300 பில்லியன் மதிப்பிலான வரியை விதிக்கப்போவதில்லை என்பதை டிரம்ப் உறுதி செய்துள்ளார்.

இனி சீனாவோடு பேச்சுவார்த்தையை தொடரப்போவதாகவும் ஜனாதிபதி டிரம்ப் கூறியுள்ளார்.

Mon, 07/01/2019 - 06:00


from tkn

கருத்துரையிடுக

புதியது பழையவை