நியூசிலாந்தின் டிரென்ட் போல்ட் முதலிடம்
உலகக் கிண்ண கிரிக்கெட்டில் அதிக விக்கெட்டுக்கள் வீழ்த்திய நியூசிலாந்து வீரர்கள் பட்டியலில் டிரென்ட் போல்ட் முதலிடம் பிடித்துள்ளார்.
இங்கிலாந்து - நியூசிலாந்து இடையிலான ஆட்டம் செஸ்டர்-லீ-ஸ்ட்ரீட்டில் உள்ள மைதானத்தில் நடைபெற்றது. முதலில் துடுப்பெடுத்தாடிய இங்கிலாந்து 8 விக்கெட் இழப்பிற்கு 305 ஓட்டங்கள் குவித்தது. நியூசிலாந்து வேகப்பந்து வீச்சாளர் டிரென்ட் போல்ட் 10 ஓவரில் 56 ஓட்டங்கள் விட்டுக்கொடுத்து ஜோஸ் பட்லர், ஜோ ரூட் ஆகியோரை வீழ்த்தினார்.
இந்த இரண்டு விக்கெட்டுக்கள் மூலம் போல்ட் உலகக் கிண்ண கிரிக்கெட்டில் 37 விக்கெட்டுக்கள் கைப்பற்றி, அதிக விக்கெட் வீழ்த்திய நியூசிலாந்து வீரர் என்ற பெருமையை பெற்றுள்ளார்.
இதற்கு முன் ஜெக்கப் ஓரம் 36 மற்றும் டேனியல் வெட்டோரி ஆகியோர் தலா 36 விக்கெட்டுக்களும், டிம் சவுத்தி 34 விக்கெட்டுக்களும், கிறிஸ் ஹாரிஸ் 32 விக்கெட்டுக்களும் வீழ்த்தியிருந்தனர்.
from tkn