இன்டர்போல் ஊடாக கைது செய்ய உத்தரவு
கொழும்பு, கொள்ளுப்பிட்டியில் கைப்பற்றப்பட்ட சுமார் 294 கிலோ ஹெரோயின் போதைப் பொருளை இலங்கைக்கு அனுப்பியதாக கருதப்படும் பிரதான சந்தேக நபர்களான 'கொஸ்கொட சுஜீ' மற்றும் ‘மொரில்’ உட்பட ஐந்து பேரை கைது செய்வதற்கு நேற்று (01) சர்வதேச பகிரங்க பிடியாணை பிறப்பிக்கப்பட்டுள்ளது.
இதேவேளை ஹெரோயின் போதைப்பொருள் கடத்தல் தொடர்பாக ஏற்கனவே கைதாகியுள்ள சந்தேக நபர்களான மொஹமட் வஸீர் மொஹமட் அமீர் மற்றும் மொஹமட் அஹமட் ருஷ்தி ஆகிய இருவரையும் எதிர்வரும் 15 ஆம் திகதி வரை விளக்கமறியலில் வைக்குமாறும் நீதவான் உத்தரவிட்டார். இச்சம்பவம் தொடர்பில் மேலதிக விசாரணைகளை மேற்கொண்டு அடுத்த வழக்கு தவணையின்போது நீதிமன்றத்தில் அறிக்கையிடுமாறும் நீதவான் உத்தரவிட்டார். ஹெரோயினை வைத்திருந்தமைக்காக கைது செய்யப்பட்ட மொஹமட் அமீர் மற்றும் அஹமட் ருஷ்தி ஆகியோரிடம் நடத்தப்பட்ட விசாரணைகளின்போது 294.490 கிலோ ஹெரோயினை கொஸ்கொட சுஜீ உள்ளிட்ட ஐந்துபேரே கொடுத்துள்ளதாக தெரியவந்துள்ளதென்றும் பொலிஸ் போதை ஒழிப்பு பிரிவு நீதிமன்றத்தில் தெரிவித்தது.
from tkn