செயற்கைக் கோளை சுட்டு வீழ்த்தும் சோதனை வெற்றி

விண்ணில் செயற்கைக் கோளை சுட்டு வீழ்த்தும் மிஷன் சக்தி சோதனை வெற்றிகரமாக நடத்தப்பட்டதாக பிரதமர் மோடி அறிவித்தார்.

பிரதமர் மோடி நேற்று புதன்கிழமை தொலைக்காட்சி, வானொலி சமூக ஊடகம் மூலமாக நாட்டு மக்களுக்கு உரையாற்றினார்.

விண்வெளியில் அமெரிக்கா, ரஷியா, சீனாவுக்கு அடுத்தபடியாக இந்தியா பெரிய நாடாக உயர்ந்துள்ளது. விண்வெளித் துறையில் இந்தியா வியத்தகு சாதனையை இன்று நிகழ்த்தி உள்ளது. விண்ணில் செயற்கைக் கோள் ஒன்றை ஏவுகணை மூலம் சுட்டு வீழ்த்தும் சோதனை வெற்றி அடைந்துள்ளது. மிஷன் சக்தி என்ற பெயரில், விண்ணில் செயற்கைக் கோளை தாக்கி அழிக்கும் சோதனை 3 நிமிடங்களில் வெற்றி அடைந்துள்ளதென அறிவித்துள்ளார்.

Thu, 03/28/2019 - 06:00

from tkn