இங்கிலாந்துக்கு எதிரான முதல் டெஸ்டில் மேற்கிந்தியதீவு அணி முதல் நாள் ஆட்ட முடிவில் 8 விக்கெட் இழப்பிற்கு 264 ஓட்டங்கள் சேர்த்துள்ளது.
மேற்கிற்தியதீவு - இங்கிலாந்து அணிகளுக்கிடையிலான முதல் டெஸ்ட் பிரிட்ஜ்டவுனில் நேற்றுமுன்தினம் தொடங்கியது. நாணயச் சுழற்சியில் வென்ற வெஸ்ட் இண்டீஸ் பேட்டிங் தேர்வு செய்தது. பிராத்வைட், அறிமுக வீரர் கேம்ப்பெல் ஆகியோர் தொடக்க வீரர்களாக களம் இறங்கினார்கள். கேம்ப்பெல் 44 ஓட்டங்கள் எடுத்த நிலையிலும், பிராத்வைட் 40 ஓட்டங்கள் எடுத்த நிலையிலும் ஆட்டமிழந்தனர்.
ஷாய் ஹோப் சிறப்பாக விளையாடி அரைசதம் அடித்தார். அதேபோல் ரோஸ்டன் சேஸ் (54), ஹெட்மையர் (56 அவுட் இல்லை) ஆகியோரும் அரைசதம் அடித்தனர். ஒரு கட்டத்தில் மேற்கிந்தியதீவு 82.4 ஓவர் வரை 240 ஓட்டங்கள் எடுத்த நிலையில் 4 விக்கெட்டுக்களை மட்டுமே இழந்திருந்தது. அதன்பின் 6 ஓவர்களுக்குள் விரைவாக நான்கு விக்கெட்டுக்களை இழந்தது.
இதனால் முதல்நாள் ஆட்ட முடிவில் 89.2 ஓவரில் 8 விக்கெட் இழப்பிற்கு 264 ஓட்டங்கள் சேர்த்தது. ஹெட்மையர் 56 ஓட்டங்களுடன் களத்தில் இருந்தார்.
இங்கிலாந்து அணி சார்பில் அண்டர்சன் 4 விக்கெட்டும், பென் ஸ்டோக்ஸ் 3 விக்கெட்டும் வீழ்த்தினர்.
from tkn